Dii AT Soccom KB
KOTA BELUD – Timbului e Fr Maxmillianno Hontor id sikul pomutanaman Sabah (Institut Pertanian Sabah, IPS) id watas dot Zon Timbang antakan 7 Apr 2025. Pinapaakun om minamaramai e faado Misa monikid tadau jam ko’onom minsosodop. Lobih 60 tulun Katolik e susumikul e minongoi ampayat dot Misa dit kalapas po o pangakunan.
Id kaajaran, minuhot e faado kumaa dit nakarapou dot Misa diri nung yolo nga amu nogi otumbayan dit nunu e karaja toi kaajaran di Yesus, miagal dit tulun Farisi id pambasaan Injil antakan diri. Dot nokoboros e Yesus om minangkan dot karaja nopo dot powonsoyon om pososion dou nga otopot sabab noilaan Dau dot Yau nopo nga pinoporikot mantad di Tapa Dau id surga.
Minagangat nogi e faado dot monginsonong dot koposion toi kowoyo-woyoon monikid tadau lolobi no ontok timpu prapaskah diti dot kaanu tokou no daa sumodia toi mumpongo montok karamaian tagayo dot Paskah.
Susumikul id IPS nopo nga mogisusuai tadon toi watas id Sabah om mogisusuai ot kotumbayaan diyolo om kosoruan di umat tokou (Katolik) moi yolo sambayang hilo id chapel St Hilary Timbang, paroki Kota Belud.
