Dii AT Soccom KB
KOTA BELUD – Turu (7) tulun tinumou toi pinopolombus dandi diyolo sabaagi puru Legion of Mary (LOM) id toguang di Fr Maxmillianno ontok pitimburungakan LOM id paroki St Edmund di jam 4.00 sosodopon antakan 6 Apr 2025.
Tinimungan LOM nopo diti nga kumotolu no noturidong id paroki diti, suai ko ilo haro no duo tinimungan (Prisidum) dit noturidong dit pogulu om mamaso no mingiat dot papanau karaja/koimaan sabaagi susumangot di Tina Maria id konoiyonon toiko chapel diyolo.
Kalapas po o pitimburungakan dii, minoboros ie Fr Max (e monunuduk dot tinimungan/prisidium diti) dot agayo kalansanan dau dot otoboi no daa o puru ngawi ii popoindalan dot karaja, miampai poimponu kasari dot sunduan di Maria om toririmo do haro kosiribaon ginawo id nunu nopo ii otoguangan id koposion monikid tadau.
Nakarapou nogi o tolu sister (FSIC) ii monompuruan id paroki diti om duo tupisor LOM mantad tinimungan dit noturidong nokopogulu id paroki diti.
