Dii AT Soccom
KOTA BELUD – Minamaramai do tadau paganakan o Katekis ngaawi do Paroki St Edmund Kota Belud di ontok 16 Sept 2026 om manangwalai nopo do toun diti nga id panambayangan St Theresa Avila Bungaliu.
Notimpuunan o karamaian dilo miampai Misa Tobitua ii binuruanan di Fr Maxmillianno B Hontor om id wookon do kaajaran di faado, magangat isio do sumiliu popiulud toi popibabas montok di haro pioduhan toi pisangadan, om ilo tumanud miagal di Jesus ii nokorikot id pogiolitan dati popibabas om lolobi no pinopibabas dati kumaa Kinorohingan tu nokopomidouso tokou maya do koimaan tokou di amu kosudong di ponuhuan Dau.
Id Misa nogi dilo nga pinotomod montok kahandaman do Tadau Malaysia ii ramaion do monikid toun.
Kopiontok dilo, minuhot i faado kumaa tulun ngaawi di nokotindapou ontok Misa dii do, “nunu o aanu tokou do monguhup montok diti pogun tokou (Malaysia), kumaa eklizia, kumaa tulun id kinoionon tokou, okon ko tusin nopo nga timpu tokou, winakas dotokou, ka’ampunan om lisiu tokou,” kadi Fr Max.
Toput luputan id suang Catholic Sabah Vol 69 No 19 di ontok tadau 4 Oct 2026.
