Dii AT Soccom KB
DUDAR, Kota Belud – Ontok di ko 5 Oct 2025, panapanau o iso program (Kunjungan Harapan) kopihondot diti Toun Jubli kumaa di paganakan nongopili (gambar), tulun ongotutumbayaan Katolik id Chapel Salib Suci Dudar, om program nopo diti nakaanjur id siriba do Paroki St Edmund.
Kinorikatan kumoinsan nopo nga ponokotanda piobpinaian om mogiintutun di paganakan om ii tinimungan rinumikot ii binuruan di Kat Suzie om ponirikohon KPUK om piipiro po ii suai di nakatanud.
Ontok dilo nogi nga pinosikit o iso dian om pinotunui di Kat Suzie kumaa di songulun mantad di paganakan suang walai.
Dian nopo dilo nga tanda tulinau kalansanan om i Jesus no i tuod do kalansanan montok di tongomosikin, ii au pinoduli om ii sumakit. Ingkaa nogi montok do tokou ii lumansan kopio di Jesus, do kopogowit no daa do kalansanan om barakat o dian dilo.
Ounsikou kopio o ginawo di paganakan diti soira haro tinimungan dot nokorikot minongoi kakap diolo gisom do nokotiri o romou mato di songulun mantad di paganakan i minanahak kopoilangan topurimanan dau om nakaanu do tulinau wagu id koposion diolo mantad di Tuhan. Ababayan miagal diti nopo nga nakapanau nogi id suai kinoionon id siriba Paroki St Edmund.
