Dii Paul Bestan
TAMBUNAN – Ogumu’ o kopongia’an do otoimo dotokou mantad do Salip ka di Fr Nelbart Peter do minoboos maza’ do kopongia’an disido di ontok Misa tobitua kopiondot do kinopoombitan do Salip pisompuuvan do doiho’ id hamin titimungon tuhun ongotutumbazaan St Mary, Tondulu, di ontok 22 June 2026.
Tumanud di Fr Nelbart, Salip nopo nga’ tanda’ do kohudukan om kinadaa’an di Kristus i tuminaak Dau Sondii’ do minonobus do douso’ do saviavi’ tuhun.
Minoboos isido do maza’ do Salip, ‘pinopokito’ o Kinoingan do koginavaan tosima’ Disido montok do saviavi’ tuhun, pinopohiong do douso’ ngaavi’ dotokou om mogovit dotokou gumuhi’ id kalaalahano’ do doun kobituahan,’ ka disido.
Suvai ko’ iho’ ka disido, Salip mongia nogi’ dotokou kokomoi do kinahantazan di Kristus do minagaha’ do douso’ om kapatazan.
Toput luputan id suang Catholic Sabah Vol 69 No 16 di ontok tadau 16 Ogos 2026.
