Dii AT SOCCOM KB
MINGGU Tobitua id paroki St Edmund Kota Belud, Misa Tobitua Roun Palma nopo nga kinotimpuunan do minggu tolidang om minamarakat ii faado do roun palma, om pinogibahagi bahagi kumaa di tulun ngawi ii nokorikot id Misa. Pason di paado kokomoi dot roun ngawi dit nabarakatan dot soira igitan id walai, poopion id poiyanan di pointantu toi Altar id walai om gunoon soira oporlu tumanud kotumbayaan sondiri.
Ontok tadau kaapat tobitua (Khamis Putih) minomolihung e Fr Maxmillianno Hontor dot takod dit 12 tulun nopili, miagal dii Yesus e minomolihung dit tumatanud dau it ponokotanda dot kosiribaon ginawo, ka dii paado, omitanan tokou iti kumaa tiso om tiso tokou sabagi tanda do kopogibabasan tokou.
Ontok tadau kolimo tobitua (Jumaat Agung) haro piipiro kinoyonon I milo tonudon dit umat mooi susui miampai sambayang ralan salib om iso nopo dilo nga Bukit Kudus hilo id Zon Timbang. Sosodopon tadau dii, sambayang kapantangan dot salib id toinsanai chapel om Gereja.
Tadau koonom tobitua (Sabtu Suci) minampai i Fr Jalius Sading id Misa id panambayangan St Joseph Mantanau id Zon Timbang. Id kaajaran di faado, magangat isio dot monongkotoluod au ogigina kumaa minamangun tu pinotobus Dau e Yesus (Tanak Dau) montok dot tulun ngaawi id pomogunan. Ka kaagu disio, soira tokou nopo mamanau id kotuangan nga tantu no do ogumu o kobomboron tokou dit au osonong nga soira nopo do haro binabang toi ko tulinau nga okito tokou ngawi ie ralan tokou, om diti baino tu pinoposikit tokou dilo tapui om dian ii poingigit tokou om ilo no i Jesus i manahak dot titiu id koposion tokou, dian diti poinsikit nga tanda kapasarahan om koinwoguan dit dandi kinopodsuan tokou.
Damot dilo haro 60 tulun nabaptis toi tobpinai wagu id paroki St Edmund ii binuruanan di Fr Max. Pason di Fr Max kumaa di toinsanan tobpinai wagu dot sumasi kumaa dit tulun ii kakal pod id kotuongon moi do kaamung no daa yolo dotokou insan tadau.
