Sinuat Dii Johannes Jimmy
Mar 17 2021
PENAMPANG – Manjul-anjul o sambayang lahan salip id panambazangan Sangti Michael sohiinaid do timpu pagkadasan suminusuut mantad timpu kalamazan Missa Tobitua ‘Tadau Kotohu-Taavu’ di ontok ko 6/3/2021 maza kosohimbaan poinhombus (live streaming).
Sasabap no do id timpu do pandemik diti, pinantantu di do panambazangan montok toun diti do hang kopongonjulan lahan sambayang salip tobitua maza noopo doid kosohimbaan ‘online’ tu au po pakavasaon o puu ngaavi do eklizia momoguno sontob panambazangan id suang do Paroki Sangti Michael, Penampang.
Mantad nodi diho do minangan di piboogizo do komiti kasambaan oh mononoguvang ngaavi do papanau sambayang diti id tikid tadau kohimo tumanud do koubasanan nga poinhongkod nopo dii id panambazangan diti do momuan maza do zon nongopihi tumanud do kootulan id siibo:-
26 Feb 2021-Penampang
05 Mar 2021-Kolopis
12 Mar 2021-Minintod
19 Mar 2021-Limbanak
26 Mar 2021-Maang
Iso nopo tudu do hang miaga diti nga do kopogovit kampazatan om kopiisan kumaa saviavi puu di ongotumbazaan ngaavi do toiso-iso zon. Montok nopo dii paganakan di au kosivat tumindapou sambayang lahan salip id panambazangan dioho nga kavasa tumanud id kosohimbaan pointihombus i ozuvon do komiti ‘Soccom Penampang You Tube Channel’ id tadau nokomoi id id savat tumimpuun do jaam ko 7.30 minsosodop tadau kohimo..
